Frumtak

„Það er okkur sérstök ánægja að geta fjárfest í íslenskri hönnun“ sagði dr. Eggert Claessen, framkvæmdastjóri Frumtaks.  „Andersen & Lauth byggir á gömlu vörumerki sem á sérstakan stað í hugum margra Íslendinga.  Félagið hefur á að skipa úrvals hönnuðum og hefur náð að byggja upp traust viðskiptasambönd bæði í sölu og framleiðslu á erlendum mörkuðum.  Þarna eru mikil tækifæri sem nú er hægt að nýta“.

„Vöxtur Andersen & Lauth hefur verið hraður og mikil svörun verið við vörumerkinu bæði erlendis og á heimamarkaði. Aðkoma Frumtaks gefur okkur bakland til að fullnýta það tækifæri. Fá skandinavísk fyrirtæki í fatahönnun hafa vaxið jafn hratt og Andersen & Lauth. Það er okkar mat að Frumtak sé með aðkomu sinni einnig að setja sinn gæðastimpil á íslenska hönnun og að mikið tækifæri leynist í hugviti hönnuða á Íslandi“ segja Gunnar Hilmarsson og Kolbrún Petrea Gunnarsdóttir stofnendur og hönnuðir Andersen & Lauth.

„Aðkoma Frumtaks er mikil viðurkenning á því starfi sem unnið hefur verið hjá Andersen & Lauth ehf. undanfarin ár.  Fjárfestingin mun efla fyrirtækið til muna og gefa okkur kost á hraðari vexti og efla okkur í þeirri vinnu sem er framundan“ sagði Atli Vilberg Vilhelmsson framkvæmdastjóri Andersen og Lauth.

Frumtak er samlagssjóður í eigu Nýsköpunarsjóðs atvinnulífsins, sex af stærstu lífeyrissjóðum landsins og bankanna þrigga. Frumtak fjárfestir í nýsköpunar- og sprotafyrirtækjum sem þykja vænleg til vaxtar og útrásar.  Markmið Frumtaks er að byggja upp öflug fyrirtæki sem geta verið leiðandi á sínu sviði og um leið skilað góðri ávöxtun til fjárfesta. Frumtak fjárfestir í fyrirtækjum sem eru komin af klakstigi og er áskilið að fyrir liggi ítarlegar viðskiptaáætlanir.

Nánari uppýsingar veita: